Fyrireika nú yvirtøku av landslæknaembætinum

Farið er undir at fyrireika yvirtøkuna av landslæknaembætinum. 

Margit Stórá, landsstýriskvinna, hevur sett ein arbeiðsbólk.

Í arbeiðsbólkinum eru umboð fyri føroyskar og danskar myndugleikar. 

Indenrigs- og Sundhedsministeriet, Styrelsen for Patientsikkerhed og Statsministeriet umboða danskar myndugleikar, og Løgmansskrivstovan og Heilsumálaráðið umboða føroyskar myndugleikar í arbeiðsbólkinum. 

Fyrsti fundur í arbeiðsbólkinum var í gjár í Heilsumálaráðnum.

Tveir fundir eru ásettir aftrat í ár. 

Arbeiðsbólkurin skal vera liðugur í hesum árinum.