Greining: Útlendska arbeiðsmegin stóran týdning

Útlendingar, sum arbeiða í Føroyum, hava stóran týdning fyri føroyska búskapin og fyri vinnuna. 

Tað vísir ein búskaparlig greining, sum Johnny í Grótinum, búskaparfrøðingur, hevur gjørt fyri Føroya arbeiðsgevarafelag.

Útlendsku starvsfólkini hava verið ein fortreyt fyri stóra búskaparvøkstrinum seinastu tíggju árini.

Johnny í Grótinum

Johnny í Grótinum, búskaparfrøðingur. 

Tvær milliardir í fjør

Ein meting, sum, við fyrivarnum, byggir á samanberingar við Danmark, vísir, at teir 2.000 útlendingarnir, sum eru komnir til Føroya at arbeiða, góvu eitt íkast til BTÚ, bruttotjóðarúrtøkuna, sum var tvær milliardir krónur í 2023. 

Greiningin vísir eisini, at útlendingarnir bøttu nógv um úrslitið hjá almennu kassunum, sannlíkt 200-300 milliónir krónur í 2022.

Í Føroyum eru sjey prosent av løntakarunum útlendingar. Í Íslandi er talið 23 prosent og 13 prosent í Danmark.

Les uppritið til greiningina hjá Johnny í Grótinum her.