Skal vera lættari at koppseta seg á apotekunum

Tað skal gerast lættari hjá apotekunum at koppseta fólk.

Uppskot er gjørt um at broyta lógina um apoteksverkið.

Skotið verður upp, at apotekarar sleppa at gera avtalu við, ella seta í starv, heilsustarvsfólk, sum kann koppseta fyri apoteksverkið.

Kanningar í øðrum londum vísa, at atkoma til tilboð um koppseting hevur ávirkan á, hvussu nógv fólk taka av tilboði um koppseting.

Í nógvum londum er koppseting á apotekum ein natúrligur partur í heilsutænastunum.

Í Føroyum forðar lógin fyri nóg góðari atkomu til koppsetingartilboð, fyri at fólk kunnu lata seg koppseta, har tey vilja.