20 sjúklingar úr Gasa á norsk sjúkrahús

Norska stjórnin hevur gjørt av at hjálpa upp til 20 sjúklingum úr Gasa.

Sjúklingarnir fáa viðgerð á norskum sjúkrahúsum.

- Vit vilja gera okkara fyri at hjálpa palestinum, sum hava stóran tørv á sjúkraviðgerð, sigur norski forsætisráðharrin, Jonas Gahr Støre, við miðilin VG.

26 av 36 sjúkrahúsum í Gasa virka ikki, sum tey skulu, og hini rigga bara fyri ein part. Stongd landamørk forða eisini fyri, at heilivágur og útgerð sleppur inn í Gasa. 

Í apríl bað Heimsheilsustovnurin WHO fleiri lond um at taka ímóti løstaðum úr Gasa. 

Danska stjórnin avgjørdi fyrr í mánaðinum ikki at taka ímóti sjúklingum úr Gasa.