Veljarakanning: 49 prosent høvdu valt Trump

Nýggj veljarakanning frá New York Times og Siena gevur Donaldi Trump greiða leiðslu í amerikanska forsetavalinum. 

49 prosent av teimum spurdi siga, at tey fara at velja Trump.

Til samanberingar siga 43 prosent, at tey fara at atkvøða fyri Biden. 

Broytingin er trý prosentstig til fyrimunar fyri Trump eftir hólmgonguna í síðstu viku. 

Leiðslan er seks prosentstig, og er tann størsta, sum Donald Trump hevur havt í eini veljarakanning hjá New York Times síðani 2015, tá ið hann kunngjørdi, at hann fór at stilla upp til forsetaembætið.

Millum amerikanarar, sum hava skrásett seg til at velja, er Trump á odda við 49 prosentum móti 41 prosentum.

74 prosent av teimum spurdu halda, at Biden er ov gamal at røkja starvið sum forseti.