Tjóðsavnið fær 1,4 milliónir í eykajáttan

Fíggjarnevndin samtykti fyrrapartin at játta 1,4 milliónir krónur í  til Tjóðsavnið, nú blámusoppur er staðfestur á goymsluni hjá savninum í Hoyvík.

Talan var um eitt skundmál, tí løgtingið er farið í summarfrí.

Kortini skuldi málið viðgerast sum øll onnur mál í fíggjarnevndini, sigur Eyðgunn Samuelsen, forkvinna í løgtingsins fíggjarnevnd.

Herleif Hammer

Herleif Hammer er stjóri á Tjóðsavninum. 

Tríggjar innkallingar

Tríggjar innkallingar vóru í sambandi við umbønina hjá Tjóðsavninum um eykajáttan: landsstýriskvinnan í almanna- og mentamálum, Tjóðsavnið og Landsverk.

Herleif Hammer, stjóri á Tjóðsavninum, segði við útvarpið í gjár, at umframt at gripirnir á savninum kunnu fara fyri skeytið, er heilsan hjá starvsfólkinum eisini í vanda.

Hann segði eisini, at umframt bráðfeingis broytingar, hhevði tað verið best, um Tjóðsavnið fær nýggj høli til at goyma mentanararvin.

Meira verður at frætta um eykajáttanina í tíðindunum á nátturða.

Sí eisini: Blámusoppur á Tjóðsavninum: Allur mentanararvurin í vanda