Nógv fólk komin aftrat í Skopun

So nógv fólk eru komin aftrat í Skopun síðani í juni í fjør, at fyri fyrstu ferð er Skopun uppi á sætta plássi á fólkatalslistanum.

Fólkatalið seinasta árið vaks mest í Tórshavnar kommunu, Klaksvíkar kommunu, Nes kommunu, Runavíkar komunu og Eysturkommunu. 

Og síðani kemur Skopunar kommuna, skrivar Hagstovan.

Í Skopun eru komin 22 fólk aftrat. Vøksturin er 4,7 prosent.

Á Sandi og í Skálavík minkaði fólkatalið.

Men tað vaks í Húsavíkar kommunu. Har eru komin átta fólk aftrat, sjey teirra í Dali.

Fólkatalið minkaði mest í Eiðis kommunu, Vágs kommunu og Vestmanna kommunu.