Øki avbyrgt í Havn - maður funnin deyður

Løgreglan hevur avbyrgt økið kring Landsbókasavnið í J.C. Svabosgøtu í Havn, eftir at ein maður var funnin deyður norðan fyri Landsbókasavnið.

Vaktleiðarin á løgreglustøðini sigur í stuttum boðum, at eingin ábending er um, at brotsverk er framt móti manninum, men málið skal kannast neyvt.

Politi og avbyrging

Talan er um ein eldri mann, sum er funnin deyður, og avvarðandi eru kunnað.

Økið kring Landsbókasavnið er framvegis avbyrgt, og suðurgangandi koyribreytin á J.C.Svabosgøtu - móti Landssjúkrahúsinum - er eisini stongd fyribils, tí líkið var funnið tætt við vegin.