- Tíðindi, mentan og ítróttur
Líkskurður av deyða manninum verður í dag
Líkskurður av deyða manninum verður í dag
Serkønt fólk er komið úr Danmark, og líkið var ikki flutt av staðnum, fyrr enn líkskoðan hevði verið í gjárkvøldið
Deyði maðurin var funnin í einari veit aftan fyri eitt transformatorhús norðan fyri Landsbókasavnið fyrrapartin í gjár.
Mynd: Bjarni Árting Rubeksen
12.07.2024 - 08:47
Klokkan tíggju verður líkskurður á Landssjúkrahúsinum í sambandi við, at ein maður var funnin deyður norðan fyri Landsbókasavnið fyrrapartin í gjár.
Maðurin, sum var úr Havn og síðst í trýssunum, var funnin í einari veit aftan fyri eitt transformatorhús.
Hann var funnin, tí leitað var eftir honum. Familja hansara hevði boðað løgregluni frá, at hann var horvin.
Heri Andreasen, varapolitiinspektørur, heitti í gjár á fólk, sum kunnu hava sæð okkurt, ella sum vita okkurt, sum kann hava samband við málið, um at venda sær til løgregluna.
Tað hevur eingin gjørt, sigur hann í morgun.
Líkið var ikki flutt av staðnum, fyrr enn líkskoðan hevði verið í gjárkvøldið. (Mynd: Bjarni Árting Rubeksen)
Fleiri skulu avhoyrast
Men løgreglan hevur havt nógvar avhoyringar, og nakrar eru eftir enn.
Líkskoðan var gjørd á staðnum í gjárkvøldið, tá serkønt fólk var komið úr Danmark til tess.
Ikki fyrr enn hon var liðug, var líkið flutt av staðnum.
Sambært Hera Andreasen eru eingir skaðar at síggja á líkinum.
Myndir: Bjarni Árting Rubeksen
Er kopiera
Nýggjastu sendingar í ÚV
Nýggjastu sendingar í SV
