Síggja eisini skaðar av nikotinposum millum børn í Føroyum

Herfyri róptu danska tannlæknafelagið varskóg og mælti til at forbjóða ungum vaksnum millum 18 og 29 ár at brúka nikotinposar.

Ein kanning staðfesti illgrunan, ið mann hevði havt, at nógvir sjúklingar hava stórar tannskaðar orsakað av snúsi og nikotinposum.

Mislittar tenn og oyðilagdar slímhinnur eru millum trupulleikarnar, sum danskir tannlæknar siga seg síggja hjá teimum, sum nýta nikotinposar.

snusaris.jpg

Frítekst tagging: 

Snús

Síggja eisini skaðar í Føroyum

Í Barnatannrøktini í Klaksvík síggja tey, at børn heilt niður í 13 ára aldur brúka nikotinposar. 

Eingi hagtøl eru fyri nýtslu av nikotinposum í Føroyum. 

Í grannalondum okkara vísa hagtøl at 20 prosent av teimum 15 ára gomlu snúsa.

Markus Hvannastein, barnatannlækni, heldur at tølini mugu verða umleið tey somu her heima.

Hann vísir á, at avleiðingarnar av at snúsa eru álvarsligir, og Markus Hvannastein heitir á føroysku myndugleikarnir um at gera okkurt við, at børn og ung brúka nikotinposar.