- Tíðindi, mentan og ítróttur
Tvørkynd mangla framvegis rættindi
![](https://kvf.fo/sites/default/files/styles/grein-ovasta-mynd/public/faroe_pride_2022-34.jpg?itok=hw4Bn8PB)
- Rættindini hjá samkyndum eru nógv betraði hesi árini, men verri er hjá tvørkyndum, sum at kalla ongi rættindi hava. Tí er framvegis týdningarmikið at hava Pride, sigur Esther Margreth Petersen, nevndarlimur í LGBT+ Føroyum.
Rættindi, sum samkynd hava vunnið hesi árini eru millum annað hjúnabandslógin og lógin um sammøður, sum kom í gildi í 2021.
- Fyrr varð nógv tosað um, at lgbt'arar fluttu av landinum, men tað er vorðið nógv liviligari hjá samkyndum at búgva í Føroyum, heldur Esther Margreth Petersen, nevndarlimur.
Pride hevur tó framvegis nógv at siga, fyri at fáa lógarbroytingar ígjøgnum, at fólk kunnu vísa sín stuðul, og fyri at minka um haturstalu móti LGBT+'arum.
Upphitingin til Pride byrjar í Gundadali kl 15.00 og síðan verður skrúðgonga oman á Vaglið kl. 16.00.
Hoyr Esther Margreth Petersen greiða frá í tíðindunum kl. 12.20: