Mugu ikki missa Føroyar og Grønland

Bryn­dís Har­alds­dótt­ir, forkvinna í Norður­landaráðnum, rópar nú varskó, tí bæði Føroyar og Grønland hótta við at fara úr norðurlendska samstarvinum.

Og tað má ikki henda, sigur hon við Morgunblaðið.

Bryndís Haraldsdóttir, sum var á ólavsøku, vísir til tað, sum løgmaður segði í røðu sínari í gjár.

Hann segði, at føroyingar eru farnir at missa tolið við Norðurlandaráðnum. 

Hálv øld 

Í hálva øld hava vit roynt at fáa fullgildan limaskap - til fánýtis, segði løgmaður.

Bryndís Haraldsdóttir stuðlar føroyskum limaskapi. 

Mute B. Egede, landsstýrisformaður í Grønlandi, hevur sagt, at hann er ikki við í norðurlendskum samstarvi longur.

Bryndís Haraldsdóttir sigur, at kanska fara føroyingar at gera tað sama.

Og vit eiga at hava bæði Føroyar og Grønland við, sigur hon við Morgunblaðið.