- Tíðindi, mentan og ítróttur
Eingin samanhangur millum fast track og kriminalitet
![](https://kvf.fo/sites/default/files/styles/grein-ovasta-mynd/public/vlcsnap-2022-09-14-09h38m38s331.png?itok=sk8vBykC)
Rættilig øsing hevur tikið seg upp um Fast Track-skipanina, harðskap og útlendingar í Føroyum - men eingin samanhangur er millum Fast Track-skipanina og títtleikan av kriminaliteti millum útlendingar, sigur Katrin Thorsvig Hansen, ákæri
- Fast Track-skipanin skal steðgast - tað var breið semja um tað, tá løgmansrøðan var viðgjørd í tinginum í farnu viku, og øsingin gjørdist ikki minni, tá Frihedsbrevet kundi avdúka, at maðurin, sum er ákærdur fyri harðskap móti eini kvinnu við Sandá í april hevur sitið ein dóm fyri morð, áðrenn hann kom til landið.
Undir yvirskriftini: Fast tracka-mordarar gjørdi Frihedsbrevet í oddagreinini Fría Barbara vart við, hvussu álvarslig støðan er.
Men maðurin, sum situr í varðhaldi, er ikki komin gjøgnum Fast Track-skipanina - hann er nevniliga polakkur, og kemur tí til Føroya at arbeiða gjøgnum avtaluna um ES borgarar.
Tað ber í heila tikið ikki til at siga, at Fast Track-skipanin í sær sjálvum er ein innflytan av kriminellum, sum tað annars er blivið róð framundir - tað eru fleiri mál við útlendingum, men tað eru eisini nógv fleiri útlendingar í Føroyum, sigur Katrin Thorsvig Hansen. Lutfallið er tað sama, sum tað hevur verið.
Hoyr innslagið her:
![](https://kvf.fo/sites/default/files/styles/news_2/public/92_3.3.1.png?itok=FbUg5ghC)
![](https://kvf.fo/sites/default/files/styles/news_2/public/88_3.21.1.png?itok=oA7_YQti)