Frítekst tagging:
- Tíðindi, mentan og ítróttur
Kringvarpið vísir Europa League-dystin hjá KÍ
Kringvarpið vísir Europa League-dystin hjá KÍ
KÍ skal í kvøld royna at spæla seg eitt fet nærri at Europa League-bólkaspælinum á Tórsvøllinum. Mótstøðuliðið er Borac Banja Luka úr Bosnia-Hersogovina, og KVF vísir dystin
Mynd: Bjarni Árting Rubeksen
08.08.2024 - 15:00
Tað eydnaðist ikki KÍ at spæla seg víðari í Champions League-kappingini, men í kvøld fær KÍ so møguleikan í Europa League.
Fyrri dysturin fram móti Europa League-bólkaspælinum verður spældur á Tórsvølli í kvøld klokkan 18, har mótstøðuliðið er Borac Banja Luka úr Bosnia-Hersogovina.
Vónirnar um, at KÍ kann vinna á bosniska liðnum, eru góðar.
Kringvarp Føroya vísir dystin í sjónvarpinum, og vit byrja at senda klokkan 17.50.
Í eini roynd at lokka fólk til dystin, nú Summarfestivalurin eisini fer av bakkastokki í Klaksvík í dag, hevur KÍ lækkað prísin á atgongumerkjunum.
Atgongumerkini á Tórsvølli í kvøld kosta nevniliga bara 100 krónur fyri vaksin og 50 krónur fyri børn.
Er kopiera
Nýggjastu sendingar í ÚV
Nýggjastu sendingar í SV
