![](https://www.uf.fo/sites/default/files/styles/myndasavn-width/public/vlcsnap-2023-07-21-11h04m08s202.png?itok=kjUTQgml)
- Tíðindi, mentan og ítróttur
Landsrætturin vísti málinum frá sær
![](https://kvf.fo/sites/default/files/styles/grein-ovasta-mynd/public/foroya_raettur_4_0.jpg?itok=KTjd3hlX)
Eystari Landsrættur gjørdi skjótt av, tá rættarfundur var í morgun í málinum um skiparan á John Paul deJoria, Daniel Binyon, sum í Føroya Rætti í juli í fjør fekk eina sekt upp á 157 túsund krónur fyri at fara inn um føroyska 12 fjórðinga markið.
Bjørn á Heygum er verji hjá Daniel Binyon.
Verjin hjá skiparanum, Bjørn á Heygum, vildi hava, at málið skuldi viðgerðast, hóast skiparin ikki hevði møguleika sjálvur at møta upp í rættinum, men hesum var Landsrætturin ikki samdur í og vísti málinum frá sær.
Tí stendur dómurin frá Føroya Rætti við, og tað undrar Bjørn á Heygum, verji hjá skiparanum á John Paul deJoria.
Hoyr innslag í útvarpstíðindunum:
Uttanfyri rættarsalin vóru umboð frá Captain Paul Watson Foundation, ið vístu sín stuðul.
Verjin hjá Daniel Binyon, Bjørn á Heygum tosar við umboð frá felagsskapinum.