Russland lopið á 15 landspartar í Ukraina

Russland hevur í nátt og í morgun lopið á í minsta lagi 15 landspartar í Ukraina.

Tað upplýsir ukrainski forsætisráðharrin, Denys Shmyhak, á boðtænastuni Telegram.

- 15 landspartar eru í dag ávirkaðir av umfatandi russiskum álopum við dronum, krússararakettum og yvirljóðsrakettum, skrivar hann.

Eisini skulu russisk bumbuflogfør hava verið við í álopunum, og í høvuðsstaðnum Kiev fór streymurin fleiri ferðir í nátt.

Talan skal hava verið um bæði løstað og deyð av álopinum, og Reuters-tíðindastovan skrivar, at trý fólk hava latið lív í ávikavist Lutsk, Dnipro og Zaporizjza.