- Tíðindi, mentan og ítróttur
Landsrætturin staðfesti dóm um neyðtøku
![](https://kvf.fo/sites/default/files/styles/grein-ovasta-mynd/public/foroya_raettur_4_0.jpg?itok=KTjd3hlX)
Eystari landsrættur staðfesti dómin, sum ein maður fekk í Føroya rætti fyri neyðtøku.
Dómurin er hálvt annað ára treytaleys fongsulsrevsing.
Ákæruvaldið fór í landsrættin við málinum, tí tað vildi hava harðari revsing.
Kravið var millum eitt ár og níggju mánaðir og tvey ár.
Maðurin vildi sjálvur hava linari dóm. Hann helt, at eitt ár var ivaleyst.
Men Landsrætturin staðfesti dómin hjá Føroya rætti. Maðurin noktar seg sekan.
Útvístur í tíggju ár
Men hann appelleraði ikki avgerðina hjá Føroya rætti um, at hann er sekur.
Maðurin hevur verið í varðhaldi, síðani hann var tikin í mars. Og hann skal sita dómin alt fyri eitt.
Hann var ákærdur og dømdur fyri neyðtøku, fyri oralsex, sum hann noyddi ein javnaldrandi kvinnu til á einum vesi í einum skeinkingarstaði í Havn 10. mars í ár.
Maðurin, sum er útlendingur, er vístur úr Føroyum. Hann hevur ikki loyvi til at koma higar í tíggju ár.