Viðmæla monnum at starvast í Almannaverkinum

Sæbjørn Johannesen og Jarvin Feilberg starvast báðir í Almannaverkinum. Teir umboða 17% av øllum starvsfólkunum, og tað er ein trupulleiki, sigur Edvard Heen, stjóri í Almannaverkinum. Á øllum umsorganarøkinum sum heild er tað ein trupulleiki, at menn ikki leita sær inn á økið.

- Fyri búfólkini er tað týdningarmikið, at bæði kynini eru umboðað í starvsfólkahópinum. Tað kann t.d. vera, at onkur helst við hava ein mann við sær til lækna, ella tá vit skulu svimja. Sum heild eru nógvir ágóðar við at hava bæði kynini umboðað í starvsfólkahópinum.

Tað siga Sæbjørn og Jarvin um sínar royndir við starvinum.

- Almannaverkið má í gongd við at upplýsa um, hvussu nógvir arbeiðsmøguleikar eru, bæði fyri menn og kvinnur. Eisini skulu vit hoyra meira um tær góðu søgurnar, sum eru í Almannaverkinum. Tað siga teir báðir at enda, og leggja eisini dent á, at teir eru stoltir av sínum faki.

Øll samrøðan kann hoyrast niðanfyri: