Amerikanski og bretski uttanríkisráðharrin í Kyiv

Amerikanski uttanríkisráðharrin Antony Blinken og bretski starvsfelagin David Lammy eru í dag á vitjan í Kyiv, har teir m.a. skulu tosa við Volodymyr Zelenskyj, forseta.

Teir komu til Kyiv við toki úr Póllandi í morgun. 

Vitjanin er í eini avgerandi løtu í krígnum, har Ukraina biður sameindu londini um heimild at brúka langtberandi vápn, sum Vesturheimurin hevur latið Ukraina, inni í Russlandi.

Samstundis loypur Ukraina á í landspartinum Kursk, og russarar taka seg fram í Donbas - har eystri í Ukraina.

- Eg haldi, at hetta er avgerandi støða fyri Ukraina mitt um heystið við samanbrestum við Russland, sum heldur fram at herða síni álop, segði Blinken í London á tíðindafundi saman við Lammy í gjár.

Umframt Zelenskyj, skulu teir eisini hitta leiðandi limir í stjórnini, skrivar Reuters.