Funningsfjarðarvegurin verður tvíbreytaður

Ætlanin er at gera Funningsfjarðarvegin tvíbreytaðan, rætta hann av, asfaltera hann og gera gongubreyt á einum parti av vegnum.

Tað sigur Dennis Holm, landsstýrismaður, í svari til Magnus Rasmussen, løgtingsmann. 

Nýggjasti arbeiðstøkusáttmálin var gjørdur í juni, og hann er um 300 metrar.

Arbeiðið heldur fram til nýggjárs.

Í 2019 byrjaði Landsverk arbeiðið við at breiðka vegin frá Millum Fjarða til Funningsfjørð, og arbeiðið helt fram í 2021, 22 og 23. 

Brúktar eru 14,2 milliónir krónur til arbeiðið hesi árini. Í ár eru tvær milliónir játtaðar.