Russland tikið 10 bygdir aftur í Kursk

Russland hevur tikið 10 bygdir aftur, eftir at Ukraina hevur lopið á í Kursk-økinum.

Tað sigur Apti Alaudinov, generalur í russisku serdeildini Akhmat, sum stendur fyri at berja ukrainsku álopini niður.

- Tað gongur væl hjá okkum, tí vit hava tikið tað aftur, sum Ukraina tók í sínum álopum, sigur Apti Alaudinov.

Ukraina hevur ikki víst hesum aftur, men hevur áður upplýst, at landið hevur tikið einar 100 bygdir í Kursk-økinum.