Redaktørur: Tjóðveldi eigur at umhugsa sína støðu

Tjóðveldi er stóri taparin og fær bara 13,2 prosent og 4 tingsessir. Sambært kanningini gongur flokkurin aftur bæði í og uttan fyri Havnina.

- Stóri vinnarin er Fólkaflokkurin við Beini Johannesen á odda, sigur Ingi Samuelsen, redkatørur á Blaðnum Vikuskifti.

Við 20 tingsessum hevði andstøðan so syngjandi vunnið á sitandi samgongu, um løgtingsval var í dag. Tjóðveldi er stóri taparin og eigur at umhugsa sína støðu, sigur Ingi Samuelsen. Flokkurin fær nú undirtøku frá 13,2 prosentum av veljarunum, og so lágt hevur flokkurin ongantíð ligið, síðani Spyr.fo í 2020 byrjaði at gera regluligar veljararkanningar fyri Portalin. 

Fólkaflokkurin hevði fingið 28,8 prosent av atkvøðunum, sum eru næstan 10 prosentstig meira enn á valinum í 2022. Tað er ein framgongd upp á heili 52 prosent, sum hevði givið Fólkaflokkinum 10 tingsessir. Fýra tingsessir fleiri enn hann hevur nú.

Nýggja veljarakannigin vísir eisini, at polariseringin millum bygd og bý økist.

Hoyr innslag í útvarpstíðindunum