Høgni ætlar ikki at leggja frá sær

Í mong ár hevur í føroyskum landspolitikki verið tosað um teir fýra stóru flokkarnar: Fólkaflokkin, Sambandsflokkin, Javnaðarflokkin og Tjóðveldi.

Men í veljarakanningini, sum Blaðið Vikuskiftið kunngjørdi í gjár, sjálvan 14. septembur, fær Tjóðveldi so mikið vánaliga undirtøku, at flokkurin illa kann teljast millum teir stóru longur.

Bara 13,2 prosent av veljarunum vildu sett kross fyri Tjóðveldi, sum ikki hevði fingið meira enn fýra tingsessir, um val var nú.

Ingi Samuelsen, redaktørur á Blaðnum Vikuskiftið og politiskur viðmerkjari, helt í útvarpstíðindunum í gjár, at Tjóðveldi nú má umhugsa, um leiðslan í flokkinum er tann rætta.

Men Høgni Hoydal hevur lítlan hug at tosa um, um Tjóðveldi hevur brúk fyri nýggjari leiðslu. Hann heldur tó, at vend má koma í, nú flokkurin hevur havt kanska vánaligastu veljarakanning nakrantíð.

Hoyr samrøðu við Høgna Hoydal í útvarpstíðindunum:

2024-09-15-Hogni-Hoydal