Undrar at javnstøða ikki er krav til semingsfólk

- Tað undrar meg, at einki krav er um javnstøðu, tá ið nýggj semingsfólk skulu veljast.

Tað sigur Súni Selfoss, formaður í Starvsfelagnum og limur í Fakfelagssamstarvinum, sum høvdu ein mann og eina kvinnu í uppskoti til semingsfólk og varasemingsfólk.

Sjálvt valið av semings- og varasemingsfólki er neyvt skipað.

Hóast atkvøðubýtið endaði 15 - 3, so er fakfelagsformaðurin sannførdur um, at kvinnan er væl skikkað til starvið.

Terje Sigurðsson og Fróði Sivertsen vóru afturvaldir til semings- og varasemingsmann, og byrja nýtt trý ára skeið 1. oktober.
 

Hoyr innslagið við Súna Selfoss í tíðindunum klokkan 18.00 í kvøld