ES: Ísrael og Libanon eru í veruligum kríggi

ES: Ísrael og Libanon eru í veruligum kríggi
Frakland hevur biðið um fund í ST-.trygdarráðnum
Ísrael hevur hert álopini á Libanon, og Frakland vil nú hava ST-trygdarráðið kallað saman.
Mynd: Reuters/Ritzau Scanpix  
 
24.09.2024 - 08:37

Støðan millum Ísrael og Libanon líkist veruligum kríggi, sigur uttanríkisstjórin í ES, Josep Borrell.

- Eg kann siga, at vit eru nærum í stórkríggi, segði Borrell við journalistar í gjárkvøldið.

- Er hetta ikki ein krígsstøða, so veit eg ikki, hvat eg skal kalla tað, sigur hann og vísir á, at 500 fólk skulu hava latið lív og 1.600 eru særd í álopunum í gjár.

Unifil, sum er ST-friðarvarðveitandi herdeildin í Suðurlibanon, hevur sagt seg stúra fyri sivilfólkinum í økinum.

Borrell legði aftrat, at arbeitt verður við at steðga herðingini av álopunum, men 'at ringasti varhugin nú er í ferð við at gerast veruleiki'.

 

Joseph Borell er uttanríkisstjóri í ES. (Mynd: Reuters/Ritzau Scanpix)

 

ST-trygdarráðið  uppí

Frakland hevur biðið um fund í ST-trygdarráðnum, nú Ísrael hevur hert álopini móti Hezbollah í Libanon, har nærum 500 fólk skulu hava latið lív í gjár.

- Eg havi biðið um kreppufund í ST-trygdarráðnum um Libanon í hesi vikuni, segði franski uttanríkisráðharrin, Jean-Noel Barrot, á ST-aðalfundi í gjár.

Hann heitti samstundis á partarnar um at 'forða fyri stóreldi í økinum, sum hevði verið vanlukkuligt fyri øll, serliga sivil.

 

Sivilfólk í hópatali flýggja úr Suðurlibanon til høvuðsstaðin Beirut. (Mynd: Reuters/Ritzau Scanpix)

 

Libanskir myndugleikar søgdu í gjárkvøldið, at nærum 500 fólk høvdu latið lív, og meira enn 1.600 fingu løstir í ísraelsku álopunum í gjár. 

Álopini koma eftir, at Ísrael og iranskt-stuðlaða Hezbollah-rørslan í meira enn eitt ár dagliga hava skotið eftir hvørjum øðrum við markið millum Ísrael og Libanon.

Er kopiera
Nýggjastu sendingar í ÚV
Nýggjastu sendingar í SV
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824