Felagið Nótaskip fingið nýggjan stjóra

Nevndin í Felagnum Nótaskip hevur sett Páll Holm Johannesen í starv sum stjóra í felagnum.

Hann tekur við eftir Jógvan Jespersen, sum er fyrsti stjóri felagsins, og sum hevur røkt starvið síðan 1. mai í 2008.

Páll Holm Johannesen er 44 ára gamal. Hann er útbúgvin í samfelagsfrøði, og tað seinasta árið hevur hann starvast sum ráðgevari og greinari í Vinnuhúsinum.

Frammanundan starvaðist hann í 10 ár á Løgmansskrivstovuni sum kunningarráðgevi og uttanríkispolitiskur ráðgevi.

26 umsóknir vóru til starvið.

Páll Holm Johannesen tekur við starvinum 1. november.

Nótaskip hava skrivstovu í Vinnuhúsinum.