Gistingarnar settu met í august

Gistingarnar á gistingarhúsunum í august settu met.

Tilsamans vóru 34.466 gistinæstur, 4.792 fleiri enn sama mánað í fjør.

Tað vísa nýggjastu tølini hjá Hagstovu Føroya.

Gistingarnar verða gjørdar upp í nætur, og hvussu leingi fólk gista. Um 10 fólk gista tríggjar nætur, eru hetta tilsamans 30 gistinætur.

Góðar 30.000 gistinætur í august vóru á gistingarhúsum í Havn. 4.444 nætur vóru á gistingarhúsum aðrastaðni í landinum.  

Tað er bara ein skrásettur mánaður, ið hevur havt fleiri gistinætur enn august í ár.

Tað var juli í 2022. Tá vóru 35.252 gistinætur.