Ingilín D. Strøm givið løgtingsmanni ófullfíggjað svar

Ingilín D. Strøm givið løgtingsmanni ófullfíggjað svar
 Varastjórin á Gjaldstovuni kennir seg ikki aftur í grein 52a-svari hjá Ingilín Didriksen Strøm, landsstýriskvinnu, um fíggjarligu avleiðingar av styttri arbeiðsviku
Tað brýtur um bæði borð hjá Ingilín Didriksen strøm, landsstýriskvinnu, sum nú eisini verður løgd undir at hava givið løgtingsmanni eitt ófullfíggjað svar upp á ein grein 52a-spurning
Mynd: Bjarni Árting Rubeksen  
 
27.09.2024 - 18:45

Herfyri setti Beinir Johannesen, løgtingsmaður, Ingilín Didriksen Strøm, landsstýriskvinnu í arbeiðsmarknaðarmálum, ein grein 52a-spurning. 

Beinir Johannesen vildi hava at vita, hvørjar fíggjarligar avleiðingar fóru av vera av einari styttari arbeiðsviku. 

Í svarinum kemur fram, at verður arbeiðsvikan stytt við trimum tímum, so fer tað at kosta landi og kommunum 280 milliónir krónur, men av hesum fáa land og kommunur 100 milliónir krónur meira inn í skatti.

Fyri vinnuna fer tað at kosta hálva milliard krónur í øktum lønar-, pensjóns- og arbeiðsmarknaðarútgjaldingum, har Ingilín Didriksen Strøm sigur í svarinum, at Gjaldstovan hevur gjørt eina yvirskipaða meting um, hvussu nógv tað fer at kosta at stytta arbeiðsvikuna.

Varastjórin á Gjaldstovuni, Durita Tausen, kennir seg ikki aftur í grein 52a-svarinum hjá Ingilín Didriksen Strøm, landsstýriskvinnu í arbeiðsmarknaðarmálum, til Beinir Johannesen um fíggjarligu avleiðingar av styttri arbeiðsviku upp á 37 tímar.

Durita Tausen vísir á, at Gjaldstovan varð biðin um at gera eina útrokning til ein arbeiðsbólk, ið landsstýriskvinnan hevur sett til at arbeiða við evninum, og tí er hetta ikki ein greining til alment svar, ið landsstýriskvinnan hevur svarað í grein 52a-spurninginum.

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Nýggjastu sendingar í SV
Mikudag 11. juni
Dagur og vika - teknmálstulkað
193101
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979