Rønn Eliasen nýggj forkvinna í Leiklistaráðnum

Rønn Eliasen, sum í skjótt tíggju ár hevur starvast sum mentanarleiðari í Fuglafjarðar kommunu, er sett sum nýggj forkvinna í Leiklistaráðnum.

Hon avloysir Margrethu Nónklett, sum hevur tikið seg aftur av persónligurm ávum.

Millum uppgávurnar, ið standa fyri framman hjá Leiklistaráðnum, ið Sirið Stenberg, landsstýriskvinna í mentamálum varðar av, er at byggja nýtt tjóðleikhús og at seta nýggjan stjóra fyri Tjóðpallin.

Umframt nýggju forkvinnuna, sita nú Benjamin Gaasedal, Vár Berghamar Jacobsen, Ria Tórgarð, Heini Gaard, Barbara Hentze í Stórustovu og Arnfinnur Nesá í Leiklistaráðnum.