Fimm tilboð at byggja høll til pantíløt

Fimm veitarar hava boðið upp á arbeiðið at byggja umskipanarhøll, sum skal taka ímóti og avskipa pantíløt.

Í næstum fer IRF at tosa við veitaran, sum hevði lægsta boð, sigur Sigurd L. Lamhauge, stjóri í IRF.

Sigurd L. Lamhauge

Sigurd L. Lamhauge. (Mynd: IRF)

Høllin skal byggjast í gamla grótbrotinum í Sandavági.

Nýggja skipanin skal gera tað lættari hjá fólki at sleppa av við pantíløt á einum stað, sum IRF síðan heintar og flytir til nýggju høllina. 

Hoyr innslag í útvarpstíðindunum: 

Kravið í nýggju pantskipanini er, at fólk fáa goldið pant fyri íløt, sum eru skrásett, tá tey koma til landið.