Urtagarðurin er sum heilivágur

Gullregn, rósur, liljur og rhododendron.

Hetta er nakað av tí, sum er at finna í vakrasta urtagarðinum í Klaksvíkar kommunu 2024.

Tað eru tey bæði Ruth Laksáfoss og Gert Wolff Jensen, sum búgva Við Trøllagil 6 í Klaksvík, har vakri urtagarðurin er at finna.

Urtagarðurin krevur nógva tíð og røkt, men sambært Ruth Laksáfoss er tað alt vert.

- Hetta krevur nógv arbeiði, men at vera í urtagarðinum er sum heilivágur fyri sál og sinn, sigur Ruth Laksáfoss.

Í morgunsendingini greiðir Ruth Laksáfoss frá urtagarðinum, sum er kosin at vera tann vakrasti í ár.