Ætla at stytta útbúgvingina til dekkara

Uppskot er gjørt um nýggjar reglur, hvussu dekkarar til handilsskip skulu útbúgvast.

Tilmælið hjá arbeiðsbólkinum, sum endurskoðaði skipsatstøðingsútbúgvingina, skal setast í verk. 

Ein høvuðsniðurstøða í tilmælinum er, at stórur tørvur er á fulltiknum dekkarum til føroysk handilsskip.

Torført er at manna hesi størvini við føroyingum. 

Verandi skipsatstøðingsútbúgving er eitt ár. Tað verður hildið at vera ov langt. 

Tí er ætlanin at skipa útbúgvingina soleiðis, at til ber at útbúgva seg til dekkara eftir hálvum ári. 

Kunngerðin um útbúgving av skipsmanningum er frá 2021.