Lærarafelagið: Eingin samanhangur millum ætlan og játtan

- Tað er ikki samanhangur millum tað, sum landsstýrismaðurin við undirvísingarmálum sigur og tað sum samgongan vísir í fíggjarlógaruppskotinum. 

Tað sigur Jacob Eli Olsen, formaður í Føroya Lærarafelag, nú fólkaskúlin samanlagt skal spara 5,2 milliónir krónur, sambært fíggjarlógaruppskotinum fyri næsta ár:

Glyvra skúli

Fólkaskúlin skal spara 5,2 milliónir kr. á fíggjarlógini næsta ár. (Savnsmynd)

Formaðurin í lærarafelagnum leggur afturat, at samstundis sum skorið verður fíggjarliga, gevast fleiri tænastumenn fyri aldur.

Í teirra stað koma lærarar, sum ikki eru tænastumenn, og pensjónin hjá nýggju lærarunum fer av kontuni hjá fólkaskúlanum á fíggjarlógini. 

Eisini tað ger raksturin av fólkaskúlanum dýrari, og hetta vísir eisini, at eingin samanhangur er millum ætlanirnar hjá landsstýrismanninum og tað, sum fíggjarógaruppskotið vísir.