Sjúrður Skaale fær heiður fyri ársins røðu í Danmark

Røðan “Ísrael er ljósið í miðeystri” er kosin ársins røða í Danmark í 2024.

Røðan til endaorðaskifti fólkatingsins í maimánaði fekk nógva umrøðu og rós í tingsalinum og donskum miðlum. 

Eitt nú segði Mette Frederiksen, forsætismálaráðfrú, røðuna vera ta bestu, hon hevði hoyrt í danska fólkatinginum í árinum, og eisini uttan fyri landoddarnar vakti røðan ans.

Tað er felagsskapurin Danske Taler, sum á hvørjum ári savnar inn tilnevningar um ársins røðu, og ein metingarbólkur tilnevnir vinnaran.

Fyrr hava millum annað Mette Frederiksen, Sofie Linde og Mary krúnprinsessa vunnið heiðurin fyri røður, sum á serstakan hátt hava merkt almenna orðaskiftið.

Virðislønin verður handað fólkatingsmanninum á samkomu í Keypmannahavn 12. novembur.