Andstøðan fer at atkvøða fyri misáliti

Andstøðuflokkarnir í løgtinginum fara at atkvøða fyri einum uppskoti um misálit á Ingilín D. Strøm, landsstýriskvinnu.

Tað siga formenninir í Fólkaflokkinum og Miðflokkinum.

- Vit mugu taka niðurstøðurnar hjá Landsgrannskoðanini og umsitingini hjá løgtinginum til eftirtektar, sigur Beinir Johannesen, formaður í Fólkaflokkinum.

Jenis av Rana - 16:9

Jenis av Rana, formaður í Miðflokkinum. (Mynd: Bjarni Árting Rubeksen)

Bárður á Steig Nielsen, BjarniR

Frítekst tagging: 

#sambandsflokkurin

BjarniR

Bárður á Steig Nielsen, formaður í Sambandsflokkinum. (Mynd: Bjarni Árting Rubeksen)

Formaðurin í Miðflokkinum heitir á løgmann um at loysa Ingilín D. Strøm úr starvi undan tingfundinum í morgin, annars atkvøður flokkurin fyri misáliti á landsstýriskvinnuna, sigur Jenis av Rana. 

Bárður Nielsen, formaður í Sambandsflokkinum og limur í landsstýrismálanevndini, sigur, at andstøðan stendur saman í hesum málinum.

Hoyr innslag í útvarpstíðindunum: