Boeing mist 43 milliardir krónur

Amerikanski flogframleiðarin Boeing hevur í triðja ársfjórðingi mist tað, sum svarar til 43 milliardir danskar krónur.

Tað skrivar felagið í tíðindaskrivi í sambandi við roknaskapin fyri triðja ársfjórðing.

Ein av orsøkunum til tapið er, at 33.000 løntakarar hava verið í verkfalli í seks vikur, og enn er ongin lønarsemja millum partarnar, skrivar Reuters.

Eisini hava flogførini hjá felagnum í longri tíð havt trupulleikar við millum annað trygdini.

Fyri stuttum boðaði stjórin frá uppsøgnum, sum fara at raka umleið 17.000 starvsfólk um allan heimin.

Hetta fevnir um á leið 10 prosent av starvsfólkunum.