Velja í nýggju høllini í Kaldbak

Fólk í Kaldbak skulu nú velja í nýggju høllini í Kaldbak.

Tórshavnar býráð hevur samtykt at flyta valstaðið, sum hevur verið í Kaldbaks skúla. 

Umbøn kom frá valstýrinum í Kaldbak um at flyta valstaðið. 

Fyrimunurin er, at skúlin kann hava vanliga skúlagongd valdagar, og mett verður eisini, at umstøður hjá veljarum, valstýri og hjálparfólki verða betri í høllini.

Valstýrið vil, at broytingin verður gjørd nú í sambandi við kommunustýrisvalið 12. november, og at nýggja høllin í Kaldbak verður valhølið til løgtingsval og fólkatingsval frameftir.