Hezbollah fingið nýggjan leiðara

Naim Qassem tekur við sum leiðari fyri Hezbollah í Libanon. 

Tað skrivar Reuters-tíðindastovan.

71 ára gamli Qassem tekur við eftir Hassan Nasrallah, sum læt lív 27. september í ísraelskum luftálopi í Beirut.

Qassem hevur seinastu tíðina verið virkandi leiðari.

Verið varaleiðari

Hann gjørdist varaleiðari í Hezbollah í 1991, og helt fram sum varaleiðari, tá ið Nasrallah gjørdist leiðari. 

Qassem hevur seinastu árini verið eitt at talsfólkunum hjá Hezbollah.

Hann var hin fyrsti í ovastu leiðsluni hjá Hezbollah, sum tosaði í sjónvarpi, eftir at Nasrallah hevði latið lív. 

Tá segði hann, at Hezbollah fór at velja nýggjan leiðara, og at tey fara at stríðast móti Ísrael í samhuga við palestinar.