Kanna møguleikarnar at varðveita stuðul til tannviðgerð uttanlands

Kannað verður, um til ber til at gera undantøk í heilt serligum førum, og hvørjar avleiðingarnar av tí vera.

Tað sigur Sirið Stenberg, landsstýriskvinna, um møguleikan hjá fólki, sum fara av landinum, at varðveita stuðulin, sum ung fólk fáa til tannviðgerðir.

Sum nú er, er stuðulin bara galdandi, meðan fólk búgva og eru í Føroyum.

Men Johan Dahl, løgtingsmaður, spurdi, um skipanin verður broytt, so hon eisini umfatar fólk, sum flyta av landinum í útbúgvingarørindum.

Landsstýriskvinnan svarar, at so má lógarbroyting gerast.

Og hon er sinnað at kanna, um hon skal gerast.

Nøkur undantøk eru, men tey eru ikki fyri fólk, sum fara av landinum at útbúgva seg.