119 milliónir í vinningi fyri skatt

Føroya banki hevði 119 mió. kr. í vinningi fyri skatt í triðja ársfjórðingi.

Tað eru 14 milliónir krónur meira enn í fjør.

Rakstrarúrslitið fyri niðurskrivingar var 66 mió. kr.  

Niðurskrivingar á útlánum vóru afturførdar fyri seks mió. kr.

Rakstrarúrslitið gjørdist tí 72 mió. kr. í triðja ársfjórðingi.

Bankin væntar, at nettoúrslitið eftir skatt verður millum 275 og 300 mió. kr. í ár.

Árið hevur sum heild verið betri enn upprunaliga væntað, sigur bankin. 

Føroya banki væntar enn fleiri rentulækkingar.