Sterilisatión er tryggasta fyribyrging

Jóhan Poulsen er serlækni í urologi. Hann sigur, at áleið 50 føroyskir menn árliga verða steraliseraðir.

Orsøkin er sum oftast, at teir hava fingið tey børnini, sum teir ynsktu sær. Samtundis vilja teir eisini taka tann partin á seg, sum eitur fyribyrging.

Sum urolog hoyrir Jóhan Poulsen fleiri mýtur, sum eru knýttar at sterilisering. Ofta eru tað spurningar um potens og hormonir.

- Sterilisatión hevur onga ávirkan á kynsliga førleikan. Tvørturímóti sleppur mann av við strongdina at hugsa, um makin verður við barn. Hetta gevur ein tryggleika, sigur Jóhan Poulsen.

Sjálvt skurðinntrivið er ógvuliga einfalt. Tað tekur bert tjúgu minuttir at gera tað, og tað hevur sera fáar fylgdarsjúkur við sær.

Tó skal ein ikki angra inntrivið, tí tað kann vera trupult at binda sáðstreingin saman aftur.

- Sterilisatión er tryggasta fyribyrging sum finst, sigur Jóhan Poulsen at enda.

Øll samrøðan kann hoyrast her: