Hava havt fyrsta fundin í dag

- Vit hava havt ein fund við starvsfelagið í dag fyri at vita, hvar partarnir standa. Tað sigur Terje Sigurðsson, semingsmaður.

Starvsfelagið skuldi sum fyrsti partur á fund við semingsstovnin í dag kl 13 eftir at tað í gjár kom framm, at sáttmálasamráðingarnar millum Starvsfelagið, Kommunala Arbeiðsgevarafelagið og Fíggjarmálaráðið um nýggjan sáttmála vóru slitnaðar og semingsstovnurin var boðsendur.

Fundur verður við hin partin, sum er Fíggjarmálaráðið og Kommunala Arbeiðsgevarafelagið, annaðhvørt mánadagin ella týsdagin, sigur hann. 

Eitt møguligt verkfall varð útsett eina viku frá á midnátt. Hetta merkir, at einki stríð verður, fyrr enn í fyrsta lagi um eina viku, sigur Terje Sigurðsson. 

Hann vil ikki viðmerkja, hvørji sannlíkindi eru fyri verkfalli, sum nú er.