Mia besti juniorfimleikari í ríkinum

Um vikuskiftið bleiv Mia Højgaard úr Havnar Fimleikafelag danmarkarmeistari í amboðsfimleiki fyri einstaklingar í juiniorbólkinum.

Umframt hetta vunnu Mia Højgaard, Anna Sofía Højsted og Marin Danielsen eisini DM-gull í liðkappingini.

Hóast tær búgva í Føroyum og í gerandisdegnum venja við Havnar Fimleikafelag, kappaðust tær til DM fyri danska fimleikafelagið KG66.

Bæði kvinnur og menn vunnu eisini fleiri heiðursmerki í einstøku greinunum.

Venjari hjá teimum heima í Føroyum er Camelia Mihaela Mindricel, sum eisini var við teimum á ferðini. Djóni Sakarisson, sum er venjari á mannfólkasíðuni hjá Havnar Fimleikafelag, var eisini við sínum monnum til DM.