33 milliónir aftrat til Fámjinsbergholið

Fíggjarnevndin hjá løgtinginum er samd um at taka undir við uppskotinum hjá Dennisi Holm, landsstýrismanni, um at lata 33 mió. kr. meira til Fámjinsbergholið.

Við teirri hækkingini fer tað at kosta 285 mió. 

Fyrsta lógin, hon kom í 2021, segði 169 milliónir.

Trý omanlop hava verið í bergholinum.

Fámjinstunnil, berghol til Fámjins, grót í fámjinstunlinum

Omanlopini í bergholinum hava eisini dýrkað arbeiðið munandi. 

Tey eru orsøkin til, at bergholið kostar nógv meira at gera enn mett.

Men aðrir trupulleikar eru eisini nevndir í lógaruppskotinum.

Fíggjarnevndin hevur fingið at vita, at her verður serliga sipað til eftiruppmátingar, uppgerð, endurgjald, seyðasmogu, grótbrot og tillagingar í samskifti við hagar. 

Seinasta skotið í bergholinum var 18. juli.