Karl Johansen stóri toppskorarin í Klaksvík

Atkvøðurnar í Klaksvík eru nærum taldar, men eftir stóru bunkunum at døma, er sitandi borgarstjórin, Karl Johansen, stóri toppskorarin. 

Spurdur, um hann ætlar at halda fram sum borgarstjóri, er svarið eitt greitt ja. 

- Sum toppskorari í Klaksvíkar kommunu, so haldi eg, tað er mín skylda at halda fram í borgarstjórasessinum, sigur Karl Johansen við Kringvarpið. 

Men hann vil enn einki siga um møguligt samstarv, ella hvussu ein møgulig samgonga verður skipað. Hann fegnast tó um, at Sambandsflokkurin, sum hann sjálvur sigur, fyri fyrstu ferð hevur fingið tvey umboð inn í býráðið. 

- Alt er møguligt. Men tað er gleðiligt, at eingin kann skipa samgongu einsamallur. Tað hevur ongantíð verið meira enn ein býráðslimur fyri Sambandsflokkin, og nú eru vit næststørsti flokkurin í Klaksvíkar kommunu, segði Karl Johansen við Kringvarpið í kvøld. 

Formliga eru atkvøðurnar ikki avgreiddar, men tá hesar eru tøkar, finnur tú tær her.