Trý feløg eftir at samráðast við

Nú sáttmáli er gjørdur við Starvsfelagið, hevur Lønardeildin hjá Fíggjarmálaráðnum trý feløg at samráðast við í heyst.

Tey eru Ljósmøðrafelagið, Kost- og føðslufelagið og felagið hjá lærarum á Vinnuháskúlanum.  

Samskifti er millum partarnar, men eingin samráðingarfundur er ásettur enn, sigur Jan Mortensen, stjóri á Lønardeildini.

Kommunala arbeiðsgevarafelagið og Heilsuhjálparafelagið fara at samráðst í næstu viku.

Kommunala arbeiðsgevarafelagið skal eisini samráðast við Heilsurøktarafelagið og við Føroya arbeiðarafelag um dagrøktarar nú í heyst.

Samráðingarnar við Maskinmeistarafelagið vera væntandi tiknar uppaftur í næstu viku, sigur Anita Fuglø, leiðari hjá Kommunala arbeiðsgevarafelagnum.