KvF við hondbóltskvinnunum á EM-vøllin

bannari
KvF við hondbóltskvinnunum á EM-vøllin
Kringvarpið vísir EM-dystirnar hjá Føroyum og hevur fólk í Basel, sum fylgir landsliðnum og føroyingunum annars undir endaspælinum
Jana Mittún og liðskiparin, Pernille Brandenborg, teljast ímillum lyklaspælararnar hjá Føroyum
Mynd: Hondbóltssamband Føroya  
 
26.11.2024 - 15:45

Nú verður tað. 

Jana Mittún, Turið Arge Samuelsen, Pernille Brandenborg og hinar føroysku hondbóltskvinnurnar eru til reiðar at traðka út á EM-pallin. 

Føroyar skulu aftur spæla við um evropameistaraheitið í hondbólti, og startskotið ljóðar í St. Jakobshalle í Basel fríggjadagin 29. november, har Sveis tekur ímóti. 

Tveir dagar seinni verður Kroatia mótstøðulið, áðrenn bólkaspælið endar við dysti ímóti Kristinu Jørgensen, Mie Højlund og hinum donsku stjørnunum úr Danmark týsdagin 3. desember. 

Kringvarpið vísir dystirnar hjá Føroyum við rúgvumiklari upptakt og hevur fólk í Basel, sum fylgja væl við liðnum og føroysku viðhaldsfólkunum, sum vera í sveisiska mentanarhøvuðsstaðnum hesar dagarnar. 

Sára Jógvansdóttir, Bjarnheðin í Hoyvík, Sjúrður Hildarson Hoydal, Ingi Olsen og Teitur Magnusson manna toymið hjá Kringvarpinum í Basel. 

EM-tilfar verður at finna á øllum pallum hjá Kringvarpinum, men alt verður savnað á serligari EM-síðu á kvf.fo, har tú longu nú millum annað kanst læra føroysku spælararnar betur at kenna.

Er kopiera
Nýggjastu sendingar í ÚV
Nýggjastu sendingar í SV
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840