EM byrjar í dag

Tvær av vertstjóðunum fara á vøllin í dag, tá evropameistaraheitið í hondbólti byrjar.

Ungarn leggur fyri í Debrecen ímóti Turkalandi, meðan Slovakia skal spæla ímóti Eysturríki í Innsbruck.

Triði verturin, Sveis, tekur sum kunnugt ímóti Føroyum í Basel seinnapartin í morgin.

Tveir dystir verða kortini í St.Jakobshalle seinni í dag. Klokkan 17:00 spæla grannarnir Spania og Portugal, áðrenn Frakland og Pólland hittast klokkan 19:30. Føroyingarnir venja í dystarhøllini um middagsleitið, og vit frætta frá teimum seinni í dag.

EM-vinnararnir seinast, Norra, byrjar sína verju av heitinum við dysti ímóti Slovenia í Innsbruck í kvøld. 

Dystarskráin, hósdagin 28. nov.

Bólkur A (Debrecen)
17.00: Ungarn - Turkaland
19.30: Svøríki - Norðurmakedónia

Bólkur C (Basel)
17.00: Spania - Portugal
19.30: Frakland - Pólland

Bólkur E (Innsbruck)
17.00: Eysturríki - Slovakia 
19.30: Noreg - Slovenia