Ísrael og Hisbollah: Vápnahvíldin verður brotin

Ísrael og Hisbollah boða frá, at vápnahvíldin, sum kom í gildi í gjár, er brotin.

Ísraelski herurin IDF sigur, at vápnahvíldin er brotin, eftir at ivasamt virksemi er staðfest í fleiri økjum í Suðurlibanon í dag, skrivar Reuters.

Hisbollah segði í morgun, at Ísrael hevði koyrt stríðsvognar út og latið skotið av í fleiri økjum har suðuri í Libanon.

Hasan Faldallah, limur í Hisbollah, sum situr í tjóðartinginum, sigur, at Ísrael hevur brotið vápnahvíldina við at leypa á sivilfólk í bygdum suðuri í Libanon.

- Ísrael loypur á tey, sum fara heimaftur til bygdirnar við markið, sigur hann, sambært Reuters.