- Tíðindi, mentan og ítróttur
Hondbóltsvinkonur í Basel
Hondbóltsvinkonur í Basel
G16-liðið hjá H71 frá 1986 hevur funnið saman aftur nú næstan 40 ár seinni fyri at stuðla føroyska kvinnulandsliðnum í Sveis
03.12.2024 - 11:02
Í 1986 spældu tær hondbólt saman í fimleikarhøllini í Hoyvíkar skúla og hava síðan tá skapt minnir, bæði á vøllinum og uttanfyri vøllin. 11 av ungdómsvinkonunum úr Hoyvík eru nú í Basel og heppa á føroysku hondbóltskvinnurnar, og minnini tær nú fáa saman, 38 ár seinni, fara nokk seint í gloymibókina.
- Vit gjørdu ein EM-bólk á messenger og royndu á tann hátt at fáa so nógvar við sum gjørligt. Tað gekk bæði skjótt og væl, sigur Florentze Ó. Bech, sum er ein teirra.
Á myndini síggjast G16 hjá H71 í 1986.
Fyrrverandi hondbóltsfelagarnir úr Hoyvík fegnast um, at tær tóku stigið og fóru til Basel.
- Vit hava kenst í nógv ár, men hetta er ein heilt øðrvísi uppliving. Her er so góður hýrur og gott samanhald millum allar føroyingarnar, og tað er fantastiskt at vera við og kunna heppa á okkara stríðskvinnur, sigur Florentze Ó. Bech, sum vónar, at hon og vinkonurnar fara at vera vitni til enn fleiri spennandi hondbóltsævintýr í framtíðini.
G16 liðið hjá H71 frá 1986 til landsdyst í Basel. Uttast á myndini er eisini Sámal Hansen, ið var venjari hjá teimum í 1986.
Er kopiera
Nýggjastu sendingar í ÚV
Nýggjastu sendingar í SV
